وہ قلندروں میں شمار ہے
غم زیست سے اسے پیار ہے
مرے باغ دل کے نصیب میں
فقط انتظار بہار ہے
غم عاشقی سے جو پوچھئے
یہ جہاں بھی اجڑا دیار ہے
جسے تاج کہتا ہے یہ جہاں
وہ حقیقتاً تو مزار ہے
یہ عجب نہیں کہ جنون عشق
سر دار تھا سر دار ہے
میں جو حق حلال کی رہ پہ ہوں
مجھے خواب میں بھی قرار ہے
مری دھڑکنیں بھی ہیں بہر میں
مجھے شاعری کا خمار ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
