wo rang-o-bu wo Khaal-o-KHad nahin raha

vo rang-o-bū vo ḳhāl-o-ḳhad nahīñ rahā

ki ab vo phuul mustanad nahīñ rahā

suḳhanvarī kā zo'm khā gayā hameñ

kisī kā she'r bhī sanad nahīñ rahā

hameshgī na tum meñ thī na ham meñ thī

hamārā pyaar tā-abad nahīñ rahā

yahāñ haiñ ham nigāh to jhukā.iye

jo thā hamārā ab vo qad nahīñ rahā

havas ke pankh lag ga.e junūn ko

tirā ḳhayāl tā-ba-had nahīñ rahā

ye dil bhī ab dimāġh ho gayā 'asar'

kamāl hai ye be-ḳhirad nahīñ rahā

wo rang-o-bu wo KHal-o-KHad nahin raha

ki ab wo phul mustanad nahin raha

suKHanwari ka zo'm kha gaya hamein

kisi ka she'r bhi sanad nahin raha

hameshgi na tum mein thi na hum mein thi

hamara pyar ta-abad nahin raha

yahan hain hum nigah to jhukaiye

jo tha hamara ab wo qad nahin raha

hawas ke pankh lag gae junun ko

tera KHayal ta-ba-had nahin raha

ye dil bhi ab dimagh ho gaya 'asar'

kamal hai ye be-KHirad nahin raha