wo saghar-e-shabab chhalakta hua hai kya

vo sāġhar-e-shabāb chhalaktā huā hai kyā

āñkhoñ se ye tarāvish-e-rañg-e-adā hai kyā

terā gunāhgār huuñ tere sivā hai kyā

apnī taraf to dekh mujhe dekhtā hai kyā

jab dil hī bujh gayā to kisī se gila hai kyā

jab maiñ nahīñ rahā to phir achchhā burā hai kyā

uzr-e-jafā ke parde meñ fikr-e-jafā hai kyā

zālim phir imtihān-e-umīd-e-vafā hai kyā

dar-parda phir ye ranjish-e-tāqat gusil hai kyoñ

be-parda phir ye nāzish-e-sabr-āzmā hai kyā

phir ye taġhāful-e-sitam-e-be-hijāb kyoñ

phir ye tajāhul-e-nigah-e-āshnā hai kyā

jaadū tarāzī-e-suḳhan-e-dil-nashīñ hai kyoñ

nairañg-e-va.ada-hā-e-tasallī fazā hai kyā

afsūn-e-shauq gosh-e-do-ālam meñ phūñknā

phir māñgnā kahīñ dil-e-be-mudda.ā hai kyā

ḳhūnāba-e-sarishk pe yuuñ ḳhaak Dālnā

phir chheḌnā ki surḳhī-e-rañg-e-hinā hai kyā

pahle kisī ke nāḳhun-e-tadbīr toḌnā

phir pūchhnā ki uqda-e-band-e-qabā hai kyā

mahshar bhī ek saf.ha-e-bazm-e-ḳhayāl hai

a.amāl-nāma-e-nigah-e-surma sā hai kyā

sailāb-e-ātishīñ binā muusā hai maujzan

ḳhūn-e-bahār kyā rag-e-mauj-e-sabā hai kyā

dekho harīf ta.ana-e-dushman na ho sakā

tum jānte ho ye dil-e-be-mudda.ā hai kyā

ta.abīr-e-rañg-e-hāl pe jiitā huuñ haa.e haa.e

vo mujh se pūchhte haiñ tumheñ ho gayā hai kyā

ta.alīmأعأġhair se bhī taġhāful na chhoḌnā

ham yaas par jiyeñge umīd-e-vafā hai kyā

ā.īna hai gavāh ki huuñ maz.har-e-sifāt

ai husn-e-be-hijāb mirā pūchhnā hai kyā

terī taraf haiñ zāhir-o-bātin khiñche hue

hastī ko chhoḌ dekh adam meñ rahā hai kyā

shīrāza-e-vajūd-o-adam hai tirī kamar

jo raaz khul gayā hai vahī chhup gayā hai kyā

qurbān is bigāḌ ke sadqe banāoge

jo tujh pe miT gayā hai vahī ban gayā hai kyā

hai vaqt-e-naz.a nāqa-e-umr-e-ravāñ bhī garm

hai hai shikast-e-rañg-e-sadā-e-darā hai kyā

kyoñ dostī ke parda se aatī hai bū-e-ġhair

ḳhalvat-gah-e-visāl meñ josh-e-hayā hai kyā

majbūr ho ke ġhair ko apnā banā liyā

zālim kī dushmanī bhī mohabbat-fazā hai kyā

toḌā hai tum ne ahd-e-mohabbat hazār baar

āḳhir shikast-e-shīsha-e-dil kī sadā hai kyā

ahbāb qadr-dāñ haiñ suḳhan-fahm ai 'vafā'

phir tū batā ki terī ġhazal kā sila hai kyā

wo saghar-e-shabab chhalakta hua hai kya

aankhon se ye tarawish-e-rang-e-ada hai kya

tera gunahgar hun tere siwa hai kya

apni taraf to dekh mujhe dekhta hai kya

jab dil hi bujh gaya to kisi se gila hai kya

jab main nahin raha to phir achchha bura hai kya

uzr-e-jafa ke parde mein fikr-e-jafa hai kya

zalim phir imtihan-e-umid-e-wafa hai kya

dar-parda phir ye ranjish-e-taqat gusil hai kyon

be-parda phir ye nazish-e-sabr-azma hai kya

phir ye taghaful-e-sitam-e-be-hijab kyon

phir ye tajahul-e-nigah-e-ashna hai kya

jadu taraazi-e-suKHan-e-dil-nashin hai kyon

nairang-e-wada-ha-e-tasalli faza hai kya

afsun-e-shauq gosh-e-do-alam mein phunkna

phir mangna kahin dil-e-be-muddaa hai kya

KHunaba-e-sarishk pe yun KHak Dalna

phir chheDna ki surKHi-e-rang-e-hina hai kya

pahle kisi ke naKHun-e-tadbir toDna

phir puchhna ki uqda-e-band-e-qaba hai kya

mahshar bhi ek safha-e-bazm-e-KHayal hai

aamal-nama-e-nigah-e-surma sa hai kya

sailab-e-atishin bina musa hai maujzan

KHun-e-bahaar kya rag-e-mauj-e-saba hai kya

dekho harif tana-e-dushman na ho saka

tum jaante ho ye dil-e-be-muddaa hai kya

tabir-e-rang-e-haal pe jita hun hae hae

wo mujh se puchhte hain tumhein ho gaya hai kya

talimأعأghair se bhi taghaful na chhoDna

hum yas par jiyenge umid-e-wafa hai kya

aaina hai gawah ki hun mazhar-e-sifat

ai husn-e-be-hijab mera puchhna hai kya

teri taraf hain zahir-o-baatin khinche hue

hasti ko chhoD dekh adam mein raha hai kya

shiraaza-e-wajud-o-adam hai teri kamar

jo raaz khul gaya hai wahi chhup gaya hai kya

qurban is bigaD ke sadqe banaoge

jo tujh pe miT gaya hai wahi ban gaya hai kya

hai waqt-e-naza naqa-e-umr-e-rawan bhi garm

hai hai shikast-e-rang-e-sada-e-dara hai kya

kyon dosti ke parda se aati hai bu-e-ghair

KHalwat-gah-e-visal mein josh-e-haya hai kya

majbur ho ke ghair ko apna bana liya

zalim ki dushmani bhi mohabbat-faza hai kya

toDa hai tum ne ahd-e-mohabbat hazar bar

aaKHir shikast-e-shisha-e-dil ki sada hai kya

ahbab qadr-dan hain suKHan-fahm ai 'wafa'

phir tu bata ki teri ghazal ka sila hai kya