wo sath aaya to meri uDan baiTh gai

Nusrat Mehdi

wo sath aaya to meri uDan baiTh gai

Nusrat Mehdi

MORE BYNusrat Mehdi

    vo saath aayā to merī uḌaan baiTh ga.ī

    na jaane kyā huā mujh meñ thakān baiTh ga.ī

    phir is ke baad parinde zamīñ pe girne lage

    kisī aah sar-e-āsmān baiTh ga.ī

    qarīb thā ki ta.alluq bahāl ho jaatā

    ajab ḳhamoshī magar darmiyān baiTh ga.ī

    havelī chhoḌ ke sab log chal diye lekin

    har ek hujre meñ ik dāstān baiTh ga.ī

    bulandiyoñ pe pahuñch kar maiñ ḳhush bahut thī magar

    zamīñ samt jo dekhā to jaan baiTh ga.ī

    zabāñ-darāzoñ se 'nusrat' kahāñ talak laḌtī

    so dil pe sabr rakh kar chaTān baiTh ga.ī

    wo sath aaya to meri uDan baiTh gai

    na jaane kya hua mujh mein thakan baiTh gai

    phir is ke baad parinde zamin pe girne lage

    kisi ki aah sar-e-asman baiTh gai

    qarib tha ki talluq bahaal ho jata

    ajab KHamoshi magar darmiyan baiTh gai

    haweli chhoD ke sab log chal diye lekin

    har ek hujre mein ek dastan baiTh gai

    bulandiyon pe pahunch kar main KHush bahut thi magar

    zamin ki samt jo dekha to jaan baiTh gai

    zaban-daraazon se 'nusrat' kahan talak laDti

    so dil pe sabr ki rakh kar chaTan baiTh gai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY