wo sard dhup ret samundar kahan gaya

vo sard dhuup ret samundar kahāñ gayā

yādoñ ke qāfile se december kahāñ gayā

kuTiyā meñ rah rahā thā ka.ī saal se jo shaḳhs

thā ishq naam jis kā qalandar kahāñ gayā

tūfān tham gayā thā zarā der meñ magar

ab sochtī huuñ dil se guzar kar kahāñ gayā

terī galī kī mujh ko nishānī thī yaad par

dīvār to vahīñ hai tirā dar kahāñ gayā

chaa.e ke talḳh ghūñT se uThtā huā ġhubār

vo intizār-e-shām vo manzar kahāñ gayā

us kī siyāh rañg se nisbat ajiib thī

vo ḳhush-libās hijr pahan kar kahāñ gayā

rakkhā nahīñ thā lauh-e-mohabbat pe aaj phuul

kis baat par ḳhafā thā mujāvir kahāñ gayā

wo sard dhup ret samundar kahan gaya

yaadon ke qafile se december kahan gaya

kuTiya mein rah raha tha kai sal se jo shaKHs

tha ishq nam jis ka qalandar kahan gaya

tufan tham gaya tha zara der mein magar

ab sochti hun dil se guzar kar kahan gaya

teri gali ki mujh ko nishani thi yaad par

diwar to wahin hai tera dar kahan gaya

chae ke talKH ghunT se uThta hua ghubar

wo intizar-e-sham wo manzar kahan gaya

us ki siyah rang se nisbat ajib thi

wo KHush-libas hijr pahan kar kahan gaya

rakkha nahin tha lauh-e-mohabbat pe aaj phul

kis baat par KHafa tha mujawir kahan gaya