وہ شباب ڈھل کے گزر گیا وہ جگر وہ ذوق و نظر گئی

وہ شباب ڈھل کے گزر گیا وہ جگر وہ ذوق و نظر گئی

کوئی کیوں گنائے وہ داستاں جو گزر گئی سو گزر گئی

مری بزم میں کوئی بھول کر نہ کرے وفاؤں پہ تذکرہ

یہ خیال دل سے دھواں ہوا یہ دعا نظر سے اتر گئی

کہیں تیرے گھر کا پتہ ملا میں انا سمیٹ کے چل دیا

جو بھی راہ تھی ترے شہر تک مرے آبلوں سے سنور گئی

کئی حادثوں کا حصول ہیں یہ مرے مزاج کی تلخیاں

وہ مری نزاکت گفتگو کسی غم کی اوٹ میں مر گئی

مرا ضعف اب کا فسانہ ہے پہ یہ کل کی بات ہے شام غم

تری وحشتوں کے حصار تک مرے حوصلوں کی خبر گئی

کبھی طاق شب کبھی نیم شب وہ ہر اک دعا ترے وصل کی

کہیں بجلیوں سے الجھ گئی کہیں بادلوں میں ٹھہر گئی