wo sukun-e-jism-o-jaan girdab-e-jaan hone ko hai

vo sukūn-e-jism-o-jāñ girdāb-e-jāñ hone ko hai

pāniyoñ kā phuul paanī meñ ravāñ hone ko hai

māhi-e-be-āb haiñ āñkhoñ kī be-kal putliyāñ

in nigāhoñ se koī manzar nihāñ hone ko hai

gum huā jaatā hai koī manziloñ kī gard meñ

zindagī bhar kī masāfat rā.egāñ hone ko hai

maiñ fasīl-e-jism ke bāhar khaḌā huuñ dam-ba-ḳhud

mārka sā ḳhvāhishoñ ke darmiyāñ hone ko hai

jāgtā rahtā huuñ us kī vus.atoñ ke ḳhvāb meñ

chashm-e-hairāñ se bayāñ ik dāstāñ hone ko hai

shaam hote hī 'atā' kyuuñ Dūbne lagtā hai dil

kuchh na kuchh hone ko hai aur nā-gahāñ hone ko hai

wo sukun-e-jism-o-jaan girdab-e-jaan hone ko hai

paniyon ka phul pani mein rawan hone ko hai

mahi-e-be-ab hain aankhon ki be-kal putliyan

in nigahon se koi manzar nihan hone ko hai

gum hua jata hai koi manzilon ki gard mein

zindagi bhar ki masafat raegan hone ko hai

main fasil-e-jism ke bahar khaDa hun dam-ba-KHud

marka sa KHwahishon ke darmiyan hone ko hai

jagta rahta hun us ki wusaton ke KHwab mein

chashm-e-hairan se bayan ek dastan hone ko hai

sham hote hi 'ata' kyun Dubne lagta hai dil

kuchh na kuchh hone ko hai aur na-gahan hone ko hai