wo wafa-o-mehr ki dastan tujhe yaad ho ki na yaad ho

Arsh Malsiyani

wo wafa-o-mehr ki dastan tujhe yaad ho ki na yaad ho

Arsh Malsiyani

MORE BYArsh Malsiyani

    INTERESTING FACT

    1951

    vo vafā-o-mehr dāstāñ tujhe yaad ho ki na yaad ho

    kabhī bhī thā mirā mehrbāñ tujhe yaad ho ki na yaad ho

    tire lutf-e-ḳhās ne jo diyā tirī yaad ne jo atā kiyā

    ġham-e-mustaqil ġham-e-jāvedāñ tujhe yaad ho ki na yaad ho

    vo jo shor-e-lutf-e-suḳhan rahā vo jo zor-e-lutf-e-bayāñ rahā

    mire ham-suḳhan mire ham-zabāñ tujhe yaad ho ki na yaad ho

    jo tire liye mire dil meñ thā jo mire liye tire dil meñ thā

    mujhe yaad hai vo ġham-e-nihāñ tujhe yaad ho ki na yaad ho

    tirī dostī pe mirā yaqīñ mujhe yaad hai mire ham-nashīñ

    mirī dostī pe tirā gumāñ tujhe yaad ho ki na yaad ho

    vo karam-shi.ārī-e-dushmanāñ vo sitam-tarāzī-e-dostāñ

    mire nukta-ras mire nukta-dāñ tujhe yaad ho ki na yaad ho

    vo jo shāḳh-e-gul pe thā āshiyāñ jo thā vaj.h-e-nāzish-e-gulistāñ

    girī jis pe barq-e-sharar-fashāñ tujhe yaad ho ki na yaad ho

    mire dil ke jazba-e-garm meñ mire dil ke gosha-e-narm meñ

    thā tirā maqām kahāñ kahāñ tujhe yaad ho ki na yaad ho

    use māntā huuñ maiñ mehrbāñ haiñ tire rafīq bahut yahāñ

    kabhī maiñ bhī thā tirā rāz-dāñ tujhe yaad ho ki na yaad ho

    ye jo 'arsh' shikva-tarāz hai jise harza-goī pe naaz hai

    ye vahī hai shā.ir-e-ḳhush-bayāñ tujhe yaad ho ki na yaad ho

    wo wafa-o-mehr ki dastan tujhe yaad ho ki na yaad ho

    kabhi tu bhi tha mera mehrban tujhe yaad ho ki na yaad ho

    tere lutf-e-KHas ne jo diya teri yaad ne jo ata kiya

    gham-e-mustaqil gham-e-jawedan tujhe yaad ho ki na yaad ho

    wo jo shor-e-lutf-e-suKHan raha wo jo zor-e-lutf-e-bayan raha

    mere ham-suKHan mere ham-zaban tujhe yaad ho ki na yaad ho

    jo tere liye mere dil mein tha jo mere liye tere dil mein tha

    mujhe yaad hai wo gham-e-nihan tujhe yaad ho ki na yaad ho

    teri dosti pe mera yaqin mujhe yaad hai mere ham-nashin

    meri dosti pe tera guman tujhe yaad ho ki na yaad ho

    wo karam-shiari-e-dushmanan wo sitam-taraazi-e-dostan

    mere nukta-ras mere nukta-dan tujhe yaad ho ki na yaad ho

    wo jo shaKH-e-gul pe tha aashiyan jo tha wajh-e-nazish-e-gulistan

    giri jis pe barq-e-sharar-fashan tujhe yaad ho ki na yaad ho

    mere dil ke jazba-e-garm mein mere dil ke gosha-e-narm mein

    tha tera maqam kahan kahan tujhe yaad ho ki na yaad ho

    use manta hun main mehrban hain tere rafiq bahut yahan

    kabhi main bhi tha tera raaz-dan tujhe yaad ho ki na yaad ho

    ye jo 'arsh' shikwa-taraaz hai jise harza-goi pe naz hai

    ye wahi hai shair-e-KHush-bayan tujhe yaad ho ki na yaad ho

    Source:

    • Book : Kulliyat-e-Arsh (Pg. 87)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY