وہ یقیں جو قیاس لگتا ہے
وہم ہی کی اساس لگتا ہے
وضع داری کو اوڑھ کر اکثر
آدمی بے لباس لگتا ہے
آئنے میں خود اپنا چہرہ بھی
ان دنوں نا شناس لگتا ہے
رت خزاں کی نہیں کہیں لیکن
باغ سارا اداس لگتا ہے
گل کھلائے کہیں نہ وہ پودا
دیکھنے میں جو گھاس لگتا ہے
پاس جس کے ہے دل کبوتر کا
ظاہراً بے ہراس لگتا ہے
یاد جس کی لیے ہے دل نادمؔ
دور ہو کر بھی پاس لگتا ہے
مأخذ:
دھوپ میں صحرا نوردی (Pg. 64)
- مصنف: نادم بلخی
-
- ناشر: مصطفیٰ بلخی
- سن اشاعت: 1987
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
