wo yun kho ke mujhe paya karenge

Shakeel Badayuni

wo yun kho ke mujhe paya karenge

Shakeel Badayuni

MORE BYShakeel Badayuni

    vo yuuñ kho ke mujhe paayā kareñge

    mirā afsāna dohrāyā kareñge

    sitam apne jo yaad aayā kareñge

    to dil dil meñ pachhtāyā kareñge

    ġhurūr-e-husn ko bātil samajh kar

    sarāpā ishq ban jaayā kareñge

    na hogī tāb-e-zabt-e-ġham jab un ko

    yaqīnan ashk bhar laayā kareñge

    qayāmat hoñgī nāzuk dil aaheñ

    har ik zarre ko taḌpāyā kareñge

    falak mātam karegā be-kasī par

    mah-o-anjum taras khāyā kareñge

    mujhe har gaam par Thukrāne vaale

    mujhī par naaz farmāyā kareñge

    na hogī jab sukūñ koī sūrat

    kuchh apne dil ko samjhāyā kareñge

    har ik tadbīr jab nākām hogī

    to mujh ko rū-ba-rū paayā kareñge

    nigāhoñ se milā kar vo nigāheñ

    yakāyak ruḳh badal jaayā kareñge

    vahī nāz-o-adā shakl hogī

    isī sūrat se sharmāyā kareñge

    maiñ kahtā rahūñgā qissa-e-ġham

    vo sunte sunte so jaayā kareñge

    magar jab hogā aalam ālam-e-ḳhvāb

    na kar mujh ko ghabrāyā kareñge

    'shakīl' apne liye lamhāt-e-fursat

    payām-e-nau-ba-nau laayā kareñge

    wo yun kho ke mujhe paya karenge

    mera afsana dohraya karenge

    sitam apne jo yaad aaya karenge

    to dil hi dil mein pachhtaya karenge

    ghurur-e-husn ko baatil samajh kar

    sarapa ishq ban jaya karenge

    na hogi tab-e-zabt-e-gham jab un ko

    yaqinan ashk bhar laya karenge

    qayamat hongi nazuk dil ki aahen

    har ek zarre ko taDpaya karenge

    falak matam karega be-kasi par

    mah-o-anjum taras khaya karenge

    mujhe har gam par Thukrane wale

    mujhi par naz farmaya karenge

    na hogi jab sukun ki koi surat

    kuchh apne dil ko samjhaya karenge

    har ek tadbir jab nakaam hogi

    to mujh ko ru-ba-ru paya karenge

    nigahon se mila kar wo nigahen

    yakayak ruKH badal jaya karenge

    wahi naz-o-ada ki shakl hogi

    isi surat se sharmaya karenge

    main kahta hi rahunga qissa-e-gham

    wo sunte sunte so jaya karenge

    magar jab hoga aalam aalam-e-KHwab

    na pa kar mujh ko ghabraya karenge

    'shakil' apne liye lamhat-e-fursat

    payam-e-nau-ba-nau laya karenge

    Source :
    • Book : Kulliyat-e-Shakiil Badaayuuni (Pg. 476)
    • Author : Shakiil Badaayuuni
    • Publication : Farid Book Depot (Pvt.) Ltd
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now