wo zara etibar kar na sake

vo zarā e'tibār kar na sake

aur ham intizār kar na sake

ḳhud ko bhī kar sake na ḳhud apnā

ek dariyā bhī paar kar na sake

kitnī rāteñ thiiñ kitne taare the

kyā kaheñ jab shumār kar na sake

aarzū baar baar milne kī

guftugū ek baar kar na sake

ab 'sabā' kyā shumār nekī kā

vo jo tum be-shumār kar na sake

wo zara e'tibar kar na sake

aur hum intizar kar na sake

KHud ko bhi kar sake na KHud apna

ek dariya bhi par kar na sake

kitni raaten thin kitne tare the

kya kahen jab shumar kar na sake

aarzu bar bar milne ki

guftugu ek bar kar na sake

ab 'saba' kya shumar neki ka

wo jo tum be-shumar kar na sake