وفور ضعف سے دل یار پر نہیں آتا

وفور ضعف سے دل یار پر نہیں آتا

غم فراق میں جینا نظر نہیں آتا

نگاہ دیدۂ دل سے نظر نہیں آتا

خیال یار بھی دو دو پہر نہیں آتا

وصال دوست بھی بعد وصال ہے شاید

کہ جو ادھر کو گیا پھر ادھر نہیں آتا

غبار چشم بھی ہے جستجو میں سرگرداں

ہوا میں خاک بھی وہ راہبر نہیں آتا

چڑھائے گور غریباں پہ کون چادر گل

چراغ لے کے کوئی قبر پر نہیں آتا

یہ روز شام سے ہے صبح تک خود آرائی

کہ شب کو آئینہ بھی اپنے گھر نہیں آتا

نہ شمع رو پہ بھی دوں جان مثل پروانہ

کہ نام عشق کو بدنام کر نہیں آتا

میں شب کو لا کے اسے عرشؔ خاک ہوں ہم خواب

وہ شوخ خانہ خراب اپنے گھر نہیں آتا