wujud naghma-sara hai hayat raqs mein hai

vujūd naġhma-sarā hai hayāt raqs meñ hai

vo sarḳhushī hai ki sab kā.enāt raqs meñ hai

churā ke laayā huuñ charḳh-e-kuhan se tābānī

huzūr-e-'adl mirī vārdāt raqs meñ hai

vo chal paḌā hai sū-e-hashr koī āvāra

tarāzū vajd meñ hai pul-sirāt raqs meñ hai

gunāh-e-rasm-kushī ham pe kyoñ na ho sābit

subūt naach rahe haiñ sabāt raqs meñ hai

jhaTak diyā hai ye kis mah-jabīñ ne zulfoñ ko

ki tābishoñ se bayābāñ kī raat raqs meñ hai

tabīb nusḳhe meñ 'āzād' likh rahā hai junūñ

ḳhushā vo dard ki jis se najāt raqs meñ hai

wujud naghma-sara hai hayat raqs mein hai

wo sarKHushi hai ki sab kaenat raqs mein hai

chura ke laya hun charKH-e-kuhan se tabani

huzur-e-'adl meri wardat raqs mein hai

wo chal paDa hai su-e-hashr koi aawara

taraazu wajd mein hai pul-siraat raqs mein hai

gunah-e-rasm-kushi hum pe kyon na ho sabit

subut nach rahe hain sabaat raqs mein hai

jhaTak diya hai ye kis mah-jabin ne zulfon ko

ki tabishon se bayaban ki raat raqs mein hai

tabib nusKHe mein 'azad' likh raha hai junun

KHusha wo dard ki jis se najat raqs mein hai