ya-rab aabaad howen ghar sab ke
yā-rab ābād hoveñ ghar sab ke
phireñ ḳhat le ke nāma-bar sab ke
kis kī mizhgān haiñ ki sīnoñ meñ
yak-ba-yak chhin ga.e jigar sab ke
shab kī shab gul chaman ke haiñ mehmān
barg jhaḌ jā.eñge sahar sab ke
ek āshiq pe iltifāt na kar
haal par rakh miyāñ nazar sab ke
diijo paiġhām hī mirā qāsid
le chalā hai tū ḳhat agar sab ke
jitne haiñ gird-o-pesh ham-sā.e
ghar Dubo.egī chashm-e-tar sab ke
ham rahe pīchhe vaa.e garm ravāñ
pahuñche manzil pe peshtar sab ke
mere soz-e-junūñ kī dahshat se
band rahte haiñ din ko ghar sab ke
dil hī apnā hai chīnī-e-mū-dār
hisse aa.e na vo kamar sab ke
haath uThte the pīTne ke liye
tere kushte kī laash par sab ke
gar yahī hai rasā.ī-e-sayyād
ek din bāñdhegā ye par sab ke
kyā dikhāve safā.ī tab.a mirī
jis jagah huuñ ḳhazaf guhar sab ke
dostī kar dilā na in se ki haiñ
dushman-e-jāñ ye sīm-bar sab ke
the jo sultān-e-bahr-o-bar āḳhir
ga.e barbād tāj-e-zar sab ke
vaa.e duniyā ki rulte phirte haiñ
ḳhaak meñ kāsa-hā-e-sar sab ke
'mus.hafī' ye jo haiñ amiir o faqīr
dil meñ hai maut kā ḳhatar sab ke
ya-rab aabaad howen ghar sab ke
phiren KHat le ke nama-bar sab ke
kis ki mizhgan hain ki sinon mein
yak-ba-yak chhin gae jigar sab ke
shab ki shab gul chaman ke hain mehman
barg jhaD jaenge sahar sab ke
ek aashiq pe iltifat na kar
haal par rakh miyan nazar sab ke
dijo paigham hi mera qasid
le chala hai tu KHat agar sab ke
jitne hain gird-o-pesh ham-sae
ghar Duboegi chashm-e-tar sab ke
hum rahe pichhe wae garm rawan
pahunche manzil pe peshtar sab ke
mere soz-e-junun ki dahshat se
band rahte hain din ko ghar sab ke
dil hi apna hai chini-e-mu-dar
hisse aae na wo kamar sab ke
hath uThte the piTne ke liye
tere kushte ki lash par sab ke
gar yahi hai rasai-e-sayyaad
ek din bandhega ye par sab ke
kya dikhawe safai taba meri
jis jagah hun KHazaf guhar sab ke
dosti kar dila na in se ki hain
dushman-e-jaan ye sim-bar sab ke
the jo sultan-e-bahr-o-bar aaKHir
gae barbaad taj-e-zar sab ke
wae duniya ki rulte phirte hain
KHak mein kasa-ha-e-sar sab ke
'mushafi' ye jo hain amir o faqir
dil mein hai maut ka KHatar sab ke
- Book : kulliyat-e-mas.hafii(shashum) (Pg. 351)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.