yaad aae hain ahd-e-junun ke khoe hue dildar bahut

Ali Sardar Jafri

yaad aae hain ahd-e-junun ke khoe hue dildar bahut

Ali Sardar Jafri

MORE BYAli Sardar Jafri

    yaad aa.e haiñ ahd-e-junūñ ke kho.e hue dildār bahut

    un se duur basā.ī bastī jin se hameñ thā pyaar bahut

    ek ik kar ke khilī thiiñ kaliyāñ ek ik kar ke phuul ga.e

    ek ik kar ke ham se bichhḌe bāġh-e-jahāñ meñ yaar bahut

    husn ke jalve aam haiñ lekin zauq-e-nazāra aam nahīñ

    ishq bahut mushkil hai lekin ishq ke da.avedār bahut

    zaḳhm kaho khiltī kaliyāñ haath magar guldasta hai

    bāġh-e-vafā se ham ne chune haiñ phuul bahut aur ḳhaar bahut

    jo bhī milā hai le aa.e haiñ dāġh-e-dil dāġh-e-jigar

    vaadī vaadī manzil manzil bhaTke haiñ 'sardār' bahut

    yaad aae hain ahd-e-junun ke khoe hue dildar bahut

    un se dur basai basti jin se hamein tha pyar bahut

    ek ek kar ke khili thin kaliyan ek ek kar ke phul gae

    ek ek kar ke hum se bichhDe bagh-e-jahan mein yar bahut

    husn ke jalwe aam hain lekin zauq-e-nazara aam nahin

    ishq bahut mushkil hai lekin ishq ke dawedar bahut

    zaKHm kaho ya khilti kaliyan hath magar guldasta hai

    bagh-e-wafa se hum ne chune hain phul bahut aur KHar bahut

    jo bhi mila hai le aae hain dagh-e-dil ya dagh-e-jigar

    wadi wadi manzil manzil bhaTke hain 'sardar' bahut

    Source :
    • Book : Kulliyat-e-Ali Sardar Jafri Vol.II (Pg. 235)
    • Author : Ali Ahmad Fatmi
    • Publication : Qaumi Council Baray-e-farog Urdu Zaban, New Delhi (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now