yaad aaenge zamane ko misalon ke liye

Farigh Bukhari

yaad aaenge zamane ko misalon ke liye

Farigh Bukhari

MORE BY Farigh Bukhari

    yaad ā.eñge zamāne ko misāloñ ke liye

    jaise bosīda kitābeñ hoñ havāloñ ke liye

    dekh yuuñ vaqt dahlīz se Takrā ke na gir

    rāste band nahīñ sochne vāloñ ke liye

    aao ta.amīr kareñ apnī vafā ma.abad

    ham na masjid ke liye haiñ na shivāloñ ke liye

    sālhā-sāl aqīdat se khulā rahtā hai

    munfarid rāhoñ āġhosh jiyāloñ ke liye

    raat karb hai gulbāñg-e-sahar ḳhāliq

    pyaar giit hai ye dard ujāloñ ke liye

    shab-e-furqat meñ sulagtī huī yādoñ ke sivā

    aur kyā rakkhā hai ham chāhne vāloñ ke liye

    yaad aaenge zamane ko misalon ke liye

    jaise bosida kitaben hon hawalon ke liye

    dekh yun waqt ki dahliz se Takra ke na gir

    raste band nahin sochne walon ke liye

    aao tamir karen apni wafa ka mabad

    hum na masjid ke liye hain na shiwalon ke liye

    salha-sal aqidat se khula rahta hai

    munfarid rahon ka aaghosh jiyalon ke liye

    raat ka karb hai gulbang-e-sahar ka KHaliq

    pyar ka git hai ye dard ujalon ke liye

    shab-e-furqat mein sulagti hui yaadon ke siwa

    aur kya rakkha hai hum chahne walon ke liye

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY