yaad aao mujhe lillah na tum yaad karo

Akhtar Shirani

yaad aao mujhe lillah na tum yaad karo

Akhtar Shirani

MORE BYAkhtar Shirani

    yaad aao mujhe lillāh na tum yaad karo

    apnī aur merī javānī ko na barbād karo

    sharm rone bhī na de bekalī sone bhī na de

    is tarah to mirī rātoñ ko na barbād karo

    had hai piine ki ḳhud pīr-e-muġhāñ kahtā hai

    is burī tarah javānī ko na barbād karo

    yaad aate ho bahut dil se bhulāne vaalo

    tum hameñ yaad karo tum hameñ kyuuñ yaad karo

    āsmāñ rutba mahal apne banāne vaalo

    dil ujḌā huā ghar bhī koī ābād karo

    ham kabhī aa.eñ tire ghar magar ā.eñge zarūr

    tum ne ye va.ada kiyā thā ki nahīñ yaad karo

    chāñdnī raat meñ gul-gasht ko jab jaate the

    aah azrā kabhī us vaqt ko bhī yaad karo

    maiñ bhī shā.ista-e-altāf-e-sitam huuñ shāyad

    mere hote hue kyuuñ ġhair pe bedād karo

    sadqe us shoḳh ke 'aḳhtar' ye likhā hai jis ne

    ishq meñ apnī javānī ko na barbād karo

    yaad aao mujhe lillah na tum yaad karo

    apni aur meri jawani ko na barbaad karo

    sharm rone bhi na de bekali sone bhi na de

    is tarah to meri raaton ko na barbaad karo

    had hai pine ki ki KHud pir-e-mughan kahta hai

    is buri tarah jawani ko na barbaad karo

    yaad aate ho bahut dil se bhulane walo

    tum hamein yaad karo tum hamein kyun yaad karo

    aasman rutba mahal apne banane walo

    dil ka ujDa hua ghar bhi koi aabaad karo

    hum kabhi aaen tere ghar magar aaenge zarur

    tum ne ye wada kiya tha ki nahin yaad karo

    chandni raat mein gul-gasht ko jab jate the

    aah azra kabhi us waqt ko bhi yaad karo

    main bhi shaista-e-altaf-e-sitam hun shayad

    mere hote hue kyun ghair pe bedad karo

    sadqe us shoKH ke 'aKHtar' ye likha hai jis ne

    ishq mein apni jawani ko na barbaad karo

    Source:

    • Book : Kulliyat-e-Akhtar Shirani (Pg. 247)
    • Author : Akhtar Shirani
    • Publication : Modern Publishing House, Daryaganj New delhi (1997)
    • Edition : 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY