yaad aati hain hamein jaan tumhaari baaten

Imam Bakhsh Nasikh

yaad aati hain hamein jaan tumhaari baaten

Imam Bakhsh Nasikh

MORE BY Imam Bakhsh Nasikh

    yaad aatī haiñ hameñ jaan tumhārī bāteñ

    haa.e vo pyaar āvāz vo pyārī bāteñ

    pahroñ chup rahte haiñ ham aur agar bolte haiñ

    vahī phir phir ke ulaTtī haiñ tumhārī bāteñ

    ġhair har dam mujhe bāteñ jo sunā jaate haiñ

    jāntā huuñ ye maiñ ai jaan tumhārī bāteñ

    yaad aatā hai tirā kyā ke evaz kahnā

    haa.e phir kab maiñ sunūñgā vo gañvārī bāteñ

    hai burī baat ye aġhyār se bāteñ karnī

    varna ai jaan tirī achchhī haiñ saarī bāteñ

    is tarah bol nikalte na sune the ham ne

    kartī hai saaf sanam terī sitārī bāteñ

    vo ejāz-e-bayāñ hai ki masīhā samjheñ

    sun leñ ai jaan kisī din jo juārī bāteñ

    is liye ashk bahātā huuñ dam-e-fikr-e-suḳhan

    ki hamesha raheñ duniyā meñ ye jaarī bāteñ

    vo gul hai ki agar kaan dhare gulshan meñ

    ho zabāñ mauj kare bād-e-bahārī bāteñ

    kījiye sehr-bayānī se musaḳhḳhar kyūñ-kar

    kabhī suntā nahīñ 'nāsiḳh' vo hamārī bāteñ

    yaad aati hain hamein jaan tumhaari baaten

    hae wo pyar ki aawaz wo pyari baaten

    pahron chup rahte hain hum aur agar bolte hain

    wahi phir phir ke ulaTti hain tumhaari baaten

    ghair har dam mujhe baaten jo suna jate hain

    jaanta hun ye main ai jaan tumhaari baaten

    yaad aata hai tera kya ke ewaz ka kahna

    hae phir kab main sununga wo ganwari baaten

    hai buri baat ye aghyar se baaten karni

    warna ai jaan teri achchhi hain sari baaten

    is tarah bol nikalte na sune the hum ne

    karti hai saf sanam teri sitari baaten

    tu wo ejaz-e-bayan hai ki masiha samjhen

    sun len ai jaan kisi din jo juari baaten

    is liye ashk bahata hun dam-e-fikr-e-suKHan

    ki hamesha rahen duniya mein ye jari baaten

    tu wo gul hai ki agar kan dhare gulshan mein

    ho zaban mauj kare baad-e-bahaari baaten

    kijiye sehr-bayani se musaKHKHar kyun-kar

    kabhi sunta nahin 'nasiKH' wo hamari baaten

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites