yaad-e-ayyam ki ham-rutba-e-rizwan hum the

Taashshuq Lakhnavi

yaad-e-ayyam ki ham-rutba-e-rizwan hum the

Taashshuq Lakhnavi

MORE BYTaashshuq Lakhnavi

    yād-e-ayyām ki ham-rutba-e-rizvāñ ham the

    bāġhbān-e-chaman-e-mahfil-e-jānāñ ham the

    qābil-e-qatl na ai lashkar-e-mizhgāñ ham the

    dil ujḌī huī bastī ke nigahbāñ ham the

    dhajjiyāñ jeb hāthoñ meñ haiñ aaj ai vahshat

    jāma-zeboñ se kabhī dast-o-garebāñ ham the

    jaan gesūoñ ne ulfat-e-ruḳh meñ āḳhir

    kāfiroñ ne hameñ maarā ki musalmāñ ham the

    ġhair ke ghar taraf ke jo uThe the parde

    itr bāloñ meñ vo malte the pareshāñ ham the

    qafas-e-tañg meñ ghuT ghuT ke na marte kyūñ-kar

    nāz-parvarda-e-āġhosh-e-gulistāñ ham the

    ruuh taḌpī hai pa-e-lāla-e-sahrā kyā kyā

    fasl-e-gul josh pe thī qaidi-e-zindāñ ham the

    dil ke dene meñ ta.ammul hameñ hotā kyūñ-kar

    ye hasīnoñ amānat thī nigahbāñ ham the

    aaj thī shab ko bahut dāġh-e-jigar meñ sozish

    kahtī thī un malāhat namak-afshāñ ham the

    sho.ala-e-husn se thā dūd-e-dil apnā avval

    aag duniyā meñ na aa.ī thī ki sozāñ ham the

    har taraf dahr meñ thā zulf zanjīr gul

    magar ai josh-e-junūñ silsila-jumbāñ ham the

    qāfile raat ko aate the udhar jaan ke aag

    dasht-e-ġhurbat meñ jidhar ai dil-e-sozāñ ham the

    kahte haiñ āriz-e-mahbūb ki thī raat jo garm

    chāñd par os paḌī thī araq-afshāñ ham the

    tauq minnat ke gale meñ the vo din yaad karo

    tum par us ahd meñ bhī chāk-garebāñ ham the

    dete phirte the hasīnoñ galī meñ āvāz

    kabhī ā.īna-farosh-e-dil-e-hairāñ ham the

    Duub jaate haiñ jo rah rah ke 'ta.ashshuq' taare

    misl-e-abr āḳhir-e-shab vasl meñ giryāñ ham the

    yaad-e-ayyam ki ham-rutba-e-rizwan hum the

    baghban-e-chaman-e-mahfil-e-jaanan hum the

    qabil-e-qatl na ai lashkar-e-mizhgan hum the

    dil ki ujDi hui basti ke nigahban hum the

    dhajjiyan jeb ki hathon mein hain aaj ai wahshat

    jama-zebon se kabhi dast-o-gareban hum the

    jaan li gesuon ne ulfat-e-ruKH mein aaKHir

    kafiron ne hamein mara ki musalman hum the

    ghair ke ghar ki taraf ke jo uThe the parde

    itr baalon mein wo malte the pareshan hum the

    qafas-e-tang mein ghuT ghuT ke na marte kyun-kar

    naz-parwarda-e-aghosh-e-gulistan hum the

    ruh taDpi hai pa-e-lala-e-sahra kya kya

    fasl-e-gul josh pe thi qaidi-e-zindan hum the

    dil ke dene mein tammul hamein hota kyun-kar

    ye hasinon ki amanat thi nigahban hum the

    aaj thi shab ko bahut dagh-e-jigar mein sozish

    kahti thi un ki malahat namak-afshan hum the

    shoala-e-husn se tha dud-e-dil apna awwal

    aag duniya mein na aai thi ki sozan hum the

    har taraf dahr mein tha zulf ki zanjir ka gul

    magar ai josh-e-junun silsila-jumban hum the

    qafile raat ko aate the udhar jaan ke aag

    dasht-e-ghurbat mein jidhar ai dil-e-sozan hum the

    kahte hain aariz-e-mahbub ki thi raat jo garm

    chand par os paDi thi araq-afshan hum the

    tauq minnat ke gale mein the wo din yaad karo

    tum par us ahd mein bhi chaak-gareban hum the

    dete phirte the hasinon ki gali mein aawaz

    kabhi aaina-farosh-e-dil-e-hairan hum the

    Dub jate hain jo rah rah ke 'tashshuq' tare

    misl-e-abr aaKHir-e-shab wasl mein giryan hum the

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now