yaad ki basti ka yun to har makan Khaali hua

yaad kī bastī kā yuuñ to har makāñ ḳhālī huā

bas gayā thā jo ḳhalā sā vo kahāñ ḳhālī huā

raat bhar ik aag sī jaltī rahī thī aañkh meñ

aur phir din bhar musalsal ik dhuāñ ḳhālī huā

ḳhud-ba-ḳhud ik dasht ne tashkīl paa.ī aur phir

lamha bhar meñ ek shahr-e-be-karāñ ḳhālī huā

aaj jab us lutf-e-sāya kī zarūrat thī hameñ

kam-nasībī ye ki dast-e-mehrbāñ ḳhālī huā

rafta rafta bhar gayā har suud se apnā bhī jī

rafta rafta dil se ehsās-e-ziyāñ ḳhālī huā

aaj se ham bhī akele ho ga.e is bhiiḌ meñ

dhyān meñ thā jo bharā sā āsmāñ ḳhālī huā

yaad ki basti ka yun to har makan KHali hua

bas gaya tha jo KHala sa wo kahan KHali hua

raat bhar ek aag si jalti rahi thi aankh mein

aur phir din bhar musalsal ek dhuan KHali hua

KHud-ba-KHud ek dasht ne tashkil pai aur phir

lamha bhar mein ek shahr-e-be-karan KHali hua

aaj jab us lutf-e-saya ki zarurat thi hamein

kam-nasibi ye ki dast-e-mehrban KHali hua

rafta rafta bhar gaya har sud se apna bhi ji

rafta rafta dil se ehsas-e-ziyan KHali hua

aaj se hum bhi akele ho gae is bhiD mein

dhyan mein tha jo bhara sa aasman KHali hua