یار کا دھیان ہم نہ چھوڑیں گے
اپنی یہ آن ہم نہ چھوڑیں گے
جب تلک دم میں ہے ہمارے دم
تجھ کو اے جان ہم نہ چھوڑیں گے
تیرے ہاتھوں سے اے جنوں ثابت
یہ گریبان ہم نہ چھوڑیں گے
ہے بڑا کفر ترک عشق بتاں
اپنا ایمان ہم نہ چھوڑیں گے
بعد مجنوں کے شور سے خالی
یہ بیابان ہم نہ چھوڑیں گے
دل میں اور ہم میں ہے یہ قول و قرار
اس کو ہر آن ہم نہ چھوڑیں گے
دل نہ چھوڑے گا تیرا دامن اور
دل کا دامان ہم نہ چھوڑیں گے
بن لئے بوسہ آج تو تجھ کو
مان مت مان ہم نہ چھوڑیں گے
ہے حسنؔ واں یہی جو بے قرنی
کب تلک شان ہم نہ چھوڑیں گے
مأخذ:
Deewan-e-Meer Hasan (Pg. 138)
- مصنف: میر حسن
-
- اشاعت: 1912
- ناشر: منشی نول کشور، لکھنؤ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
