yar ke bin bahaar kya kije

Meerza Jawan Bakht Jahandar

yar ke bin bahaar kya kije

Meerza Jawan Bakht Jahandar

MORE BYMeerza Jawan Bakht Jahandar

    yaar ke bin bahār kyā kiije

    gul na hove to ḳhaar kyā kiije

    kaam merā to ho chalā āḳhir

    ai mire kirdgār kyā kiije

    koī va.ada vafā nahīñ kartā

    vo taġhāful shi.ār kyā kiije

    misl-e-ā.īna ḳhud-numā merā

    sab se ho hai do-chār kyā kiije

    soz-e-dil merā mujh ko de hai jalā

    aah misl-e-chīnār kyā kiije

    ishq ne kar diyā mujhe majbūr

    ab nahīñ iḳhtiyār kyā kiije

    misl-e-zulf-e-butāñ fasāna-e-dil

    hai tavīl iḳhtisār kyā kiije

    guzrī jo dil pe mere ho guzrī

    us ab ishtihār kyā kiije

    dil to gulchīñ hai tere gulshan

    le ke gul-rū hazār kyā kiije

    vo to aatā nahīñ hai mere paas

    ai dil-e-be-qarār kyā kiije

    be-tarah hai mujhe ye mushkil ishq

    sāhab-e-zulfiqār kyā kiije

    ai 'jahāñdār' sab jahāñ DhūñDā

    na.iiñ kuī ġham-gusār kyā kiije

    yar ke bin bahaar kya kije

    gul na howe to KHar kya kije

    kaam mera to ho chala aaKHir

    ai mere kirdgar kya kije

    koi wada wafa nahin karta

    wo taghaful shiar kya kije

    misl-e-aina KHud-numa mera

    sab se ho hai do-chaar kya kije

    soz-e-dil mera mujh ko de hai jala

    aah misl-e-chinar kya kije

    ishq ne kar diya mujhe majbur

    ab nahin iKHtiyar kya kije

    misl-e-zulf-e-butan fasana-e-dil

    hai tawil iKHtisar kya kije

    guzri jo dil pe mere ho guzri

    us ka ab ishtihaar kya kije

    dil to gulchin hai tere gulshan ka

    le ke gul-ru hazar kya kije

    wo to aata nahin hai mere pas

    ai dil-e-be-qarar kya kije

    be-tarah hai mujhe ye mushkil ishq

    sahab-e-zulfiqar kya kije

    ai 'jahandar' sab jahan DhunDa

    nain kui gham-gusar kya kije

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY