yas kya kya na gul khilati hai
yaas kyā kyā na gul khilātī hai
aas bañdhtī hai TuuT jaatī hai
yaad aatī hai bhuul jaatā huuñ
bhuul jaatā huuñ yaad aatī hai
bach ke tūfāñ se aa ga.ī kashtī
ab kināre pe Dagmagātī hai
sonā chāhūñ to niiñd uḌ jaa.e
jāgtā huuñ to niiñd aatī hai
shām-e-ġham chashm nam hai dil muztar
sham-e-ummīd jhilmilātī hai
sub.h hotī nahīñ masarrat kī
shām-e-ġham roz aatī jaatī hai
kyā 'girāmī' khilā hai ġhuncha-e-dil
kyoñ fazā aaj gungunātī hai
yas kya kya na gul khilati hai
aas bandhti hai TuT jati hai
yaad aati hai bhul jata hun
bhul jata hun yaad aati hai
bach ke tufan se aa gai kashti
ab kinare pe Dagmagati hai
sona chahun to nind uD jae
jagta hun to nind aati hai
sham-e-gham chashm nam hai dil muztar
sham-e-ummid jhilmilati hai
subh hoti nahin masarrat ki
sham-e-gham roz aati jati hai
kya 'girami' khila hai ghuncha-e-dil
kyon faza aaj gungunati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
