یاس کیا کیا نہ گل کھلاتی ہے
یاس کیا کیا نہ گل کھلاتی ہے
آس بندھتی ہے ٹوٹ جاتی ہے
یاد آتی ہے بھول جاتا ہوں
بھول جاتا ہوں یاد آتی ہے
بچ کے طوفاں سے آ گئی کشتی
اب کنارے پہ ڈگمگاتی ہے
سونا چاہوں تو نیند اڑ جائے
جاگتا ہوں تو نیند آتی ہے
شام غم چشم نم ہے دل مضطر
شمع امید جھلملاتی ہے
صبح ہوتی نہیں مسرت کی
شام غم روز آتی جاتی ہے
کیا گرامیؔ کھلا ہے غنچۂ دل
کیوں فضا آج گنگناتی ہے
مأخذ:
نقوش گرامی (Pg. 42)
- مصنف: گرامی چشتی
-
- ناشر: بزم گرامی گھنڈوہ
- سن اشاعت: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
