yahan se hai kahani raat wali

yahāñ se hai kahānī raat vaalī

ki vo ik raat thī barsāt vaalī

kahā thā jo vahī kar ke dikhāyā

vo barq-e-be-amāñ thī baat vaalī

baḌī lambī planning kar rahī hai

hamārī zindagī lamhāt vaalī

kisī kī bhī nahīñ hotī ye duniyā

ki is kī zaat hai bad-zāt vaalī

hamārā hausla hai zindagī se

laḌe jaate haiñ kushtī maat vaalī

na ab ghar meñ vo tahzībī tavāzun

na ab vo koTharī jinnāt vaalī

jise dekho chhupā phirtā hai 'ḳhālid'

jamā.at aa ga.ī mevāt vaalī

yahan se hai kahani raat wali

ki wo ek raat thi barsat wali

kaha tha jo wahi kar ke dikhaya

wo barq-e-be-aman thi baat wali

baDi lambi planning kar rahi hai

hamari zindagi lamhat wali

kisi ki bhi nahin hoti ye duniya

ki is ki zat hai bad-zat wali

hamara hausla hai zindagi se

laDe jate hain kushti mat wali

na ab ghar mein wo tahzibi tawazun

na ab wo koThari jinnat wali

jise dekho chhupa phirta hai 'KHalid'

jamaat aa gai mewat wali