yahi bahut hai ki ahbab puchh lete hain

Athar Nasik

yahi bahut hai ki ahbab puchh lete hain

Athar Nasik

MORE BYAthar Nasik

    yahī bahut hai ki ahbāb pūchh lete haiñ

    mare ujaḌne ke asbāb pūchh lete haiñ

    maiñ pūchh letā huuñ yāroñ se rat-jagoñ sabab

    magar vo mujh se mire ḳhvāb pūchh lete haiñ

    isī galī se jahāñ āftāb ubhrā hai

    kahāñ gayā hai vo mahtāb, pūchh lete haiñ

    ab aa ga.e haiñ to is dasht ke faqīroñ se

    rumūz-e-mimbar-o-mehrāb pūchh lete haiñ

    kisī ko ke batāte haiñ hāl-e-dil 'nāsik'

    kisī se hijr ke ādāb pūchh lete haiñ

    yahi bahut hai ki ahbab puchh lete hain

    mare ujaDne ke asbab puchh lete hain

    main puchh leta hun yaron se rat-jagon ka sabab

    magar wo mujh se mere KHwab puchh lete hain

    isi gali se jahan aaftab ubhra hai

    kahan gaya hai wo mahtab, puchh lete hain

    ab aa gae hain to is dasht ke faqiron se

    rumuz-e-mimbar-o-mehrab puchh lete hain

    kisi ko ja ke batate hain haal-e-dil 'nasik'

    kisi se hijr ke aadab puchh lete hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now