yahi hona tha jo hoya aha haha aha haha

yahī honā thā jo hoyā ahā haahā ahā haahā

vahī kaaTā jo thā boyā ahā haahā ahā haahā

kahā thā zindagī bhar baat bhī mujh se na rakkhegā

vo mujh se phir huā goyā ahā haahā ahā haahā

ka.ī haa.il the parde vasl kī rātoñ meñ lekin ab

takalluf-bartaraf hoyā ahā haahā ahā haahā

mohabbat meñ akele maiñ hī bas barbād rahnā thā

ab us ne bhī sukūñ khoyā ahā haahā ahā haahā

kabhī jab apne sar ko maiñ ne us kī god meñ rakkhā

guloñ kī god meñ soyā ahā haahā ahā haahā

haqīqat meñ nahīñ lekin hamāre ḳhvāb meñ aa kar

koī pahlū meñ aa soyā ahā haahā ahā haahā

vo jis kī dil-farebī aur baḌh jaatī thī ġhusse meñ

kabhī jab phuuT kar royā ahā haahā ahā haahā

gunāhoñ ke musalsal bojh kā ehsās thā 'e'jāz'

magar ashkoñ se jab dhoyā ahā haahā ahā haahā

yahi hona tha jo hoya aha haha aha haha

wahi kaTa jo tha boya aha haha aha haha

kaha tha zindagi bhar baat bhi mujh se na rakkhega

wo mujh se phir hua goya aha haha aha haha

kai hail the parde wasl ki raaton mein lekin ab

takalluf-bartaraf hoya aha haha aha haha

mohabbat mein akele main hi bas barbaad rahna tha

ab us ne bhi sukun khoya aha haha aha haha

kabhi jab apne sar ko main ne us ki god mein rakkha

gulon ki god mein soya aha haha aha haha

haqiqat mein nahin lekin hamare KHwab mein aa kar

koi pahlu mein aa soya aha haha aha haha

wo jis ki dil-farebi aur baDh jati thi ghusse mein

kabhi jab phuT kar roya aha haha aha haha

gunahon ke musalsal bojh ka ehsas tha 'e'jaz'

magar ashkon se jab dhoya aha haha aha haha