یہی قصور تھا اس بت کی آرزو کی تھی

یہی قصور تھا اس بت کی آرزو کی تھی

ملا وہی نہ کبھی جس کی جستجو کی تھی

برنگ غنچہ زباں بند ہے اب تک میری

وہ بات کب کی ہے جب گل سے گفتگو کی تھی

گریں وہیں پہ زمانے کی بجلیاں آخر

جہاں بنائے گلستان رنگ و بو کی تھی

ہمیں مٹانے کے درپے ہوا ہے کیوں آخر

زمانہ ہم نے تری ہم نوائی خو کی تھی

غبار اڑتا ہے ہم نے جہاں پہ یاروں میں

مزے اڑائے تھے اور مل کے ہا و ہو کی تھی

سمجھ کے اس کو بھی غم خوار و ہم نوا رضواںؔ

حدیث دل کسی دلبر کے روبرو کی تھی