yahi suluk munasib hai KHush-gumanon se
yahī sulūk munāsib hai ḳhush-gumānoñ se
paTak rahā huuñ maiñ sar āj-kal chaTānoñ se
havā ke rahm-o-karam par hai barg-e-āvāra
zamīn se koī rishta na āsmānoñ se
maiñ ik raqīb kī sūrat huuñ darmiyāñ meñ magar
zamīñ kī god harī hai inhī kisānoñ se
vo duur ufuq meñ uḌāneñ haiñ kuchh parindoñ kī
utar rahe haiñ na.e lafz āsmānoñ se
har ik zabān darīcha hai ḳhāna-e-jāñ kā
so mujh ko pyaar hai duniyā kī sab zabānoñ se
yahi suluk munasib hai KHush-gumanon se
paTak raha hun main sar aaj-kal chaTanon se
hawa ke rahm-o-karam par hai barg-e-awara
zamin se koi rishta na aasmanon se
main ek raqib ki surat hun darmiyan mein magar
zamin ki god hari hai inhi kisanon se
wo dur ufuq mein uDanen hain kuchh parindon ki
utar rahe hain nae lafz aasmanon se
har ek zaban daricha hai KHana-e-jaan ka
so mujh ko pyar hai duniya ki sab zabanon se
Source:
Mujalla Dastavez (Pg. 400)
- Author: Aziz Nabeel
-
- Edition: 2010
- Publisher: Edarah Dastavez
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
