yahin kahin pe kabhi shola-kar main bhi tha

Saqi Faruqi

yahin kahin pe kabhi shola-kar main bhi tha

Saqi Faruqi

MORE BYSaqi Faruqi

    yahīñ kahīñ pe kabhī shola-kār maiñ bhī thā

    shab-e-siyāh meñ ik chashm-e-mār maiñ bhī thā

    bahut se log the suqrāt-kar o īsā-dam

    usī hujūm meñ ik be-shumār maiñ bhī thā

    ye chāñd taare mire gird raqs karte the

    likhā huā hai zamīñ madār maiñ bhī thā

    sunā hai zinda huuñ hirs-o-havas banda huuñ

    hazār pahle mohabbat-guzār maiñ bhī thā

    jo mere ashk the barg-e-ḳhizāñ tarh gire

    baras ke khul gayā abr-e-bahār maiñ bhī thā

    vo bel buuTe banā.e ki dekhte rahe log

    ye haath kaaT liye mīna-kar maiñ bhī thā

    mujhe samajhne koshish na mohabbat ne

    ye aur baat zarā pechdār maiñ bhī thā

    supurdagī meñ na dekhī thī tamkanat aisī

    ye rañj hai ki anā shikār maiñ bhī thā

    mujhe aziiz thā har Dūbtā huā manzar

    ġharaz ki ek zavāl-āshkār maiñ bhī thā

    mujhe gunāh meñ apnā surāġh miltā hai

    vagarna pārsā-o-dīn-dār maiñ bhī thā

    barā.e dars ab atfāl-e-shahr aate haiñ

    harām-kār-e-ġhinā-o-qimār maiñ bhī thā

    maiñ kyā bhalā thā ye duniyā agar kamīnī thī

    dar-e-kamīngī pa chobdār maiñ bhī thā

    vo āsmānī balā lauT kar nahīñ aa.ī

    isī zamīn par ummīd-vār maiñ bhī thā

    yahin kahin pe kabhi shola-kar main bhi tha

    shab-e-siyah mein ek chashm-e-mar main bhi tha

    bahut se log the suqraat-kar o isa-dam

    usi hujum mein ek be-shumar main bhi tha

    ye chand tare mere gird raqs karte the

    likha hua hai zamin ka madar main bhi tha

    suna hai zinda hun hirs-o-hawas ka banda hun

    hazar pahle mohabbat-guzar main bhi tha

    jo mere ashk the barg-e-KHizan ki tarh gire

    baras ke khul gaya abr-e-bahaar main bhi tha

    wo bel buTe banae ki dekhte rahe log

    ye hath kaT liye mina-kar main bhi tha

    mujhe samajhne ki koshish na ki mohabbat ne

    ye aur baat zara pechdar main bhi tha

    supurdagi mein na dekhi thi tamkanat aisi

    ye ranj hai ki ana ka shikar main bhi tha

    mujhe aziz tha har Dubta hua manzar

    gharaz ki ek zawal-ashkar main bhi tha

    mujhe gunah mein apna suragh milta hai

    wagarna parsa-o-din-dar main bhi tha

    barae dars ab atfal-e-shahr aate hain

    haram-kar-e-ghina-o-qimar main bhi tha

    main kya bhala tha ye duniya agar kamini thi

    dar-e-kamingi pa chobdar main bhi tha

    wo aasmani bala lauT kar nahin aai

    isi zamin par ummid-war main bhi tha

    RECITATIONS

    Nomaan Shauque

    Nomaan Shauque

    Nomaan Shauque

    yahin kahin pe kabhi shola-kar main bhi tha Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY