yahin kaTta hai waqt aksar hamara
yahīñ kaTtā hai vaqt aksar hamārā
yahī ghar hai yahī daftar hamārā
na jaane kaun sī masrūfiyat meñ
guzar jaatā hai din din-bhar hamārā
ham apne aap tak rahte haiñ mahdūd
nikalnā band hai bāhar hamārā
hameñ un se nahīñ thī ye tavaqqo'
hañseñge vo gila sun kar hamārā
ham is kam-baḳht se tang aa ga.e haiñ
hamārā dil hai dard-e-sar hamārā
rakheñ ham sochne se baaz ḳhud ko
nahīñ kuchh iḳhtiyār is par hamārā
'sha'ūr' ek ek pyāsā taak meñ hai
na koī chhīn le sāġhar hamārā
yahin kaTta hai waqt aksar hamara
yahi ghar hai yahi daftar hamara
na jaane kaun si masrufiyat mein
guzar jata hai din din-bhar hamara
hum apne aap tak rahte hain mahdud
nikalna band hai bahar hamara
hamein un se nahin thi ye tawaqqo'
hansenge wo gila sun kar hamara
hum is kam-baKHt se tang aa gae hain
hamara dil hai dard-e-sar hamara
rakhen hum sochne se baz KHud ko
nahin kuchh iKHtiyar is par hamara
'sha'ur' ek ek pyasa tak mein hai
na koi chhin le saghar hamara
- Book : Ab Main Aksar Main Nahi Rehta (Pg. 138)
- Author : Anwar Shaoor
- Publication : Rekhta Publications (2024)
- Edition : 3rd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
