yaqin-e-wada nahin tab-e-intizar nahin

Akhtar Shirani

yaqin-e-wada nahin tab-e-intizar nahin

Akhtar Shirani

MORE BYAkhtar Shirani

    yaqīn-e-vāda nahīñ tāb-e-intizār nahīñ

    kisī tarah bhī dil-e-zār ko qarār nahīñ

    shaboñ ko ḳhvāb nahīñ ḳhvāb ko qarār nahīñ

    ki zeb-e-dosh vo gesu-e-mushk-bār nahīñ

    kalī kalī meñ samā.ī hai nik.hat-e-salmā

    shamīm-e-hūr hai ye bū-e-nau-bahār nahīñ

    kahāñ kahāñ na hue māh-rū judā mujh se

    kahāñ kahāñ mirī ummīd mazār nahīñ

    ġhamoñ fasl hamesha rahī tar o taaza

    ye vo ḳhizāñ hai ki sharminda-e-bahār nahīñ

    bahār aa.ī hai aise meñ tum bhī aa jaao

    ki zindagī ba-rañg-e-gul e'tibār nahīñ

    kisī zulf-e-pareshāñ sāya-e-raqsāñ hai

    fazā meñ bāl-fishāñ abr-e-nau-bahār nahīñ

    sitāra-vār vo pahlū meñ aa ga.e shab ko

    sahar se kah do ki mahfil meñ aaj baar nahīñ

    gul-e-fasurda bhī ik turfa husn rakhtā hai

    ḳhizāñ ye hai to mujhe hasrat-e-bahār nahīñ

    har ek jaam pe ye naġhma-e-hazīñ saaqī

    ki is javāni-e-fānī e'tibār nahīñ

    ḳhudā ne baḳhsh diye mere dil ko ġham itne

    ki ab maiñ apne gunāhoñ pe sharmsār nahīñ

    chaman chāndnī rāteñ haiñ kis qadar vīrāñ

    ki is bahār meñ vo māh-e-nau-bahār nahīñ

    sharīk-e-soz haiñ parvāne sham.a ke 'aḳhtar'

    hamāre dil magar koī ġham-gusār nahīñ

    yaqin-e-wada nahin tab-e-intizar nahin

    kisi tarah bhi dil-e-zar ko qarar nahin

    shabon ko KHwab nahin KHwab ko qarar nahin

    ki zeb-e-dosh wo gesu-e-mushk-bar nahin

    kali kali mein samai hai nikhat-e-salma

    shamim-e-hur hai ye bu-e-nau-bahaar nahin

    kahan kahan na hue mah-ru juda mujh se

    kahan kahan meri ummid ka mazar nahin

    ghamon ki fasl hamesha rahi tar o taza

    ye wo KHizan hai ki sharminda-e-bahaar nahin

    bahaar aai hai aise mein tum bhi aa jao

    ki zindagi ka ba-rang-e-gul e'tibar nahin

    kisi ki zulf-e-pareshan ka saya-e-raqsan hai

    faza mein baal-fishan abr-e-nau-bahaar nahin

    sitara-war wo pahlu mein aa gae shab ko

    sahar se kah do ki mahfil mein aaj bar nahin

    gul-e-fasurda bhi ek turfa husn rakhta hai

    KHizan ye hai to mujhe hasrat-e-bahaar nahin

    har ek jam pe ye naghma-e-hazin saqi

    ki is jawani-e-fani ka e'tibar nahin

    KHuda ne baKHsh diye mere dil ko gham itne

    ki ab main apne gunahon pe sharmsar nahin

    chaman ki chandni raaten hain kis qadar viran

    ki is bahaar mein wo mah-e-nau-bahaar nahin

    sharik-e-soz hain parwane shama ke 'aKHtar'

    hamare dil ka magar koi gham-gusar nahin

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY