ye ahd-e-nau ho mubarak tujhe magar saqi

ye 'ahd-e-nau ho mubārak tujhe magar saaqī

nizām-e-maikada abtar hai ġhaur kar saaqī

uḌaan tez hai itnī ki tham ga.e manzar

rukā rukā sā hai lamhāt kā safar saaqī

fazā meñ tair rahe haiñ qazā ke jarsūme

base haiñ dasht meñ bārūd ke nagar saaqī

jhulas rahā hai ta'assub kī aag meñ gulshan

qayāmateñ haiñ qayāmat se peshtar saaqī

paḌe haiñ ḳhaak pe behosh ādmī-zāde

ḳhudā.ī karte haiñ mahloñ meñ jānvar saaqī

vo dekh jahal-o-zalālat kī masnad-ārā.ī

farāz-e-dār pe laTke haiñ dīda-var saaqī

kahāñ vo riñd vo paimāne aur vo sahbā

ga.e zamānoñ kī bāteñ na yaad kar saaqī

mujhe ḳhabar hai tire ḳhum meñ mai nahīñ baaqī

mire hī ḳhuun se ab merā jaam bhar saaqī

ye 'ahd-e-nau ho mubarak tujhe magar saqi

nizam-e-maikada abtar hai ghaur kar saqi

uDan tez hai itni ki tham gae manzar

ruka ruka sa hai lamhat ka safar saqi

faza mein tair rahe hain qaza ke jarsume

base hain dasht mein barud ke nagar saqi

jhulas raha hai ta'assub ki aag mein gulshan

qayamaten hain qayamat se peshtar saqi

paDe hain KHak pe behosh aadmi-zade

KHudai karte hain mahlon mein jaanwar saqi

wo dekh jahal-o-zalalat ki masnad-arai

faraaz-e-dar pe laTke hain dida-war saqi

kahan wo rind wo paimane aur wo sahba

gae zamanon ki baaten na yaad kar saqi

mujhe KHabar hai tere KHum mein mai nahin baqi

mere hi KHun se ab mera jam bhar saqi