ye ‘azm-e-zindagi to kahin mar nahin gaya

ye ‘azm-e-zindagī to kahīñ mar nahīñ gayā

muddat huī ki daar pe ik sar nahīñ gayā

maiñ dekhne kī chaah meñ āñkheñ luTā chukā

lekin junūn-e-ḳhvāhish-e-manzar nahīñ gayā

TuuTe hue butoñ ko nikālā gayā to kyā

ab tak hamāre shahr se aazar nahīñ gayā

dil se ḳhayāl-e-dahshat-e-rahzan to jā chukā

lekin malāl-e-sāzish-e-rahbar nahīñ gayā

'arsa huā ki sūrat-e-ādam nahīñ milī

muddat huī ki shahr se bāhar nahīñ gayā

go lamha lamha ziist meñ dekhīñ qayāmateñ

lekin yaqīn-e-vā’da-e-mahshar nahīñ gayā

'arsa huā ki aañkh meñ utrā nahīñ hai ashk

muddat huī hai dosto maiñ ghar nahīñ gayā

yuuñ to kisī bhī dard kī dil se nahīñ banī

bas ek terā ġham ki jo aa kar nahīñ gayā

ye ‘azm-e-zindagi to kahin mar nahin gaya

muddat hui ki dar pe ek sar nahin gaya

main dekhne ki chah mein aankhen luTa chuka

lekin junun-e-KHwahish-e-manzar nahin gaya

TuTe hue buton ko nikala gaya to kya

ab tak hamare shahr se aazar nahin gaya

dil se KHayal-e-dahshat-e-rahzan to ja chuka

lekin malal-e-sazish-e-rahbar nahin gaya

'arsa hua ki surat-e-adam nahin mili

muddat hui ki shahr se bahar nahin gaya

go lamha lamha zist mein dekhin qayamaten

lekin yaqin-e-wa’da-e-mahshar nahin gaya

'arsa hua ki aankh mein utra nahin hai ashk

muddat hui hai dosto main ghar nahin gaya

yun to kisi bhi dard ki dil se nahin bani

bas ek tera gham ki jo aa kar nahin gaya