ye baat alag hai mera qatil bhi wahi tha

Zafar Iqbal

ye baat alag hai mera qatil bhi wahi tha

Zafar Iqbal

MORE BYZafar Iqbal

    ye baat alag hai mirā qātil bhī vahī thā

    is shahr meñ tārīf ke qābil bhī vahī thā

    āsāñ thā bahut us ke liye harf-e-muravvat

    aur marhala apne liye mushkil bhī vahī thā

    tābīr thī apnī bhī vahī ḳhvāb-e-safar

    afsāna-e-mahrūmi-e-manzil bhī vahī thā

    ik haath meñ talvār thī ik haath meñ kashkol

    zālim to vo thā mirā saa.il bhī vahī thā

    ham aap ke apne haiñ vo kahtā rahā mujh se

    āḳhir saf-e-aġhyār meñ shāmil bhī vahī thā

    maiñ lauT ke aayā to gulistān-e-havas meñ

    thā gul bhī vahī shor-e-anādil bhī vahī thā

    daave the 'zafar' us ko bahut bā-ḳhabarī ke

    dekhā to mire haal se ġhāfil bhī vahī thā

    ye baat alag hai mera qatil bhi wahi tha

    is shahr mein tarif ke qabil bhi wahi tha

    aasan tha bahut us ke liye harf-e-murawwat

    aur marhala apne liye mushkil bhi wahi tha

    tabir thi apni bhi wahi KHwab-e-safar ki

    afsana-e-mahrumi-e-manzil bhi wahi tha

    ek hath mein talwar thi ek hath mein kashkol

    zalim to wo tha hi mera sail bhi wahi tha

    hum aap ke apne hain wo kahta raha mujh se

    aaKHir saf-e-aghyar mein shamil bhi wahi tha

    main lauT ke aaya to gulistan-e-hawas mein

    tha gul bhi wahi shor-e-anadil bhi wahi tha

    dawe the 'zafar' us ko bahut ba-KHabari ke

    dekha to mere haal se ghafil bhi wahi tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY