ye bhi kya kam koi tauqir hamare liye hai

ye bhī kyā kam koī tauqīr hamāre liye hai

us ke tarkash kā har ik tiir hamāre liye hai

dil-e-bīnā hī sadā raah dikhātā hai hameñ

koī murshid na koī piir hamāre liye hai

apne hī ghar ke masā.il se vo rahtā hai malūl

ham samajhte haiñ vo dil-gīr hamāre liye hai

ham ne dekhā hai tumheñ jaisā ġhazal meñ apnī

bas tumhārī vahī tasvīr hamāre liye hai

ham ko āzād vo rakhnā hī nahīñ chāhtā hai

koī zindāñ ho ki zanjīr hamāre liye hai

tū garāñ-qadr sahī ham bhī tahī-dast nahīñ

bahut āsāñ tirī tasḳhīr hamāre liye hai

ham jo betāb haiñ qurb-e-badanī kī ḳhātir

roz-e-avval se ye taqdīr hamāre liye hai

ham jo mujrim haiñ to kuchh aur sazā ham ko na de

ye tirā shahr hī tā'zīr hamāre liye hai

lab-e-goyā se kare sab se vo bāteñ 'najmī'

lab-e-ḳhāmosh kī taqrīr hamāre liye hai

ye bhi kya kam koi tauqir hamare liye hai

us ke tarkash ka har ek tir hamare liye hai

dil-e-bina hi sada rah dikhata hai hamein

koi murshid na koi pir hamare liye hai

apne hi ghar ke masail se wo rahta hai malul

hum samajhte hain wo dil-gir hamare liye hai

hum ne dekha hai tumhein jaisa ghazal mein apni

bas tumhaari wahi taswir hamare liye hai

hum ko aazad wo rakhna hi nahin chahta hai

koi zindan ho ki zanjir hamare liye hai

tu garan-qadr sahi hum bhi tahi-dast nahin

bahut aasan teri tasKHir hamare liye hai

hum jo betab hain qurb-e-badani ki KHatir

roz-e-awwal se ye taqdir hamare liye hai

hum jo mujrim hain to kuchh aur saza hum ko na de

ye tera shahr hi ta'zir hamare liye hai

lab-e-goya se kare sab se wo baaten 'najmi'

lab-e-KHamosh ki taqrir hamare liye hai