ye bhi na puchha tumne anjum jita hai ya marta hai

ye bhī na pūchhā tum ne 'anjum' jiitā hai yā martā hai

vāh-jī-vā āshiq se koī aisī ġhaflat kartā hai

na.ī javānī na.e-navele nādān allaḌh aur albele

sach pūchho to tum ko sāhib dil dete jī Dartā hai

pūchhte kyā ho haal hamārā jiine kā hai kaun sahārā

ro lete haiñ jī bhar bhar kar jab ġham se jī bhartā hai

un se nahīñ kuchh shikva ham ko un se nahīñ kuchh rañj-o-malāl

kis se ai dil ishq kiyā kis se chaah ko bartā hai

rote rote hijr meñ kyūñ-kar jiine se dil ser na ho

kahte haiñ tālāb bhī sāhib phevan phevan bhartā hai

mujh ko to dil dene meñ kuchh uzr nahīñ ai jān-e-jahāñ

sach to ye hai dil hī ḳhud kuchh aagā pīchhā kartā hai

sail-e-sarishk-e-ġham se 'anjum' ḳhāna-e-dil barbād na ho

dekho dekho ka.aba kī buniyād meñ paanī martā hai

ye bhi na puchha tum ne 'anjum' jita hai ya marta hai

wah-ji-wa aashiq se koi aisi ghaflat karta hai

nai jawani nae-nawele nadan allaDh aur albele

sach puchho to tum ko sahib dil dete ji Darta hai

puchhte kya ho haal hamara jine ka hai kaun sahaara

ro lete hain ji bhar bhar kar jab gham se ji bharta hai

un se nahin kuchh shikwa hum ko un se nahin kuchh ranj-o-malal

kis se ai dil ishq kiya kis se chah ko barta hai

rote rote hijr mein kyun-kar jine se dil ser na ho

kahte hain talab bhi sahib phewan phewan bharta hai

mujh ko to dil dene mein kuchh uzr nahin ai jaan-e-jahan

sach to ye hai dil hi KHud kuchh aaga pichha karta hai

sail-e-sarishk-e-gham se 'anjum' KHana-e-dil barbaad na ho

dekho dekho kaba ki buniyaad mein pani marta hai