ye dil hai hamara riyasat nahin hai
ye dil hai hamārā riyāsat nahīñ hai
kisī kī bhī is pe hukūmat nahīñ hai
lagā.e hameñ Thes koī bhī aa ke
kisī ko bhī is kī ijāzat nahīñ hai
fazā kā asar hai yā hai nasl aisī
guloñ meñ bhī dikhtī nazākat nahīñ hai
koī faisla leñ to dil se hī lenā
baḌī is se koī 'adālat nahīñ hai
zabāñ pe ho kuchh aur dil meñ ho kuchh aur
hamārī kabhī ye rivāyat nahīñ hai
zarā baat par toḌ denā marāsim
hamārī nazar meñ zahānat nahīñ hai
ḳhudā ke hī dar par hai miltā sukūñ ab
kahīñ aur 'anū' ham ko rāhat nahīñ hai
ye dil hai hamara riyasat nahin hai
kisi ki bhi is pe hukumat nahin hai
lagae hamein Thes koi bhi aa ke
kisi ko bhi is ki ijazat nahin hai
faza ka asar hai ya hai nasl aisi
gulon mein bhi dikhti nazakat nahin hai
koi faisla len to dil se hi lena
baDi is se koi 'adalat nahin hai
zaban pe ho kuchh aur dil mein ho kuchh aur
hamari kabhi ye riwayat nahin hai
zara baat par toD dena marasim
hamari nazar mein zahanat nahin hai
KHuda ke hi dar par hai milta sukun ab
kahin aur 'anu' hum ko rahat nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
