ye gali wo gali nikal aae

ye galī vo galī nikal aa.e

aur vo ghar se abhī nikal aa.e

kaun thā varna āshnā us kā

mar gayā to ka.ī nikal aa.e

vaqt lekin kisī ke paas nahīñ

bāñdh kar sab ghaḌī nikal aa.e

baiTh kar saa.e meñ bhī dekh liyā

ab to bas dhuup hī nikal aa.e

dekh tū is kabāḌ-ḳhāne se

koī shai qīmtī nikal aa.e

aap bād-e-sabā se kahiyegā

is taraf bhī kabhī nikal aa.e

pairahan kā to zikr kyā ki yahāñ

log tak kāġhazī nikal aa.e

ye gali wo gali nikal aae

aur wo ghar se abhi nikal aae

kaun tha warna aashna us ka

mar gaya to kai nikal aae

waqt lekin kisi ke pas nahin

bandh kar sab ghaDi nikal aae

baiTh kar sae mein bhi dekh liya

ab to bas dhup hi nikal aae

dekh tu is kabaD-KHane se

koi shai qimti nikal aae

aap baad-e-saba se kahiyega

is taraf bhi kabhi nikal aae

pairahan ka to zikr kya ki yahan

log tak kaghazi nikal aae