ye ghazab baiThe-biThae tujh pe kya nazil hua

Jurat Qalandar Bakhsh

ye ghazab baiThe-biThae tujh pe kya nazil hua

Jurat Qalandar Bakhsh

MORE BYJurat Qalandar Bakhsh

    ye ġhazab baiThe-biThā.e tujh pe kyā nāzil huā

    uTh chalā duniyā se kyuuñ tujh ko ai dil kyā huā

    shakl aisī banā.ī hai tirī allāh ne

    mat ḳhafā ho gar huā maiñ tujh pe maa.il kyā huā

    in dinoñ hālat tirī paatā huuñ maiñ apnī yaar

    ḳhūb-rū tujh koī tere muqābil kyā huā

    ai but-e-ḳhūñ-ḳhvār ik zaḳhmī tire kūche meñ thā

    so ka.ī din se ḳhudā jaane vo ghāyal kyā huā

    zañg ho kar qais dil kārvāñ-dar-kārvāñ

    nit ye kahtā hai ki vo lailā mahmil kyā huā

    fikr-e-marham mat karo yaaro ye batlāo mujhe

    jis ke hāthoñ maiñ huā zaḳhmī vo qātil kyā huā

    thā jigar to TukḌe TukḌe bar meñ kyuuñ taḌpe hai

    kyuuñ dilā teġh-e-jafā se bhī bismil kyā huā

    ranjisheñ aisī hazār aapas meñ hotī haiñ dilā

    vo agar tujh se ḳhafā hai mil kyā huā

    apne begāne sabhī haiñ mat uThā mahfil se yaar

    gar kisī Dhab se huā yaañ maiñ bhī dāḳhil kyā huā

    dekhte terī sūrat mujh ko ai ā.īna-rū

    saḳht hairat hai ki pahlū meñ nahīñ dil kyā huā

    soch rah rah kar yahī aatā hai ai 'jur.at' mujhe

    ḳhalq karne se mire ḳhāliq ko hāsil kyā huā

    ye ghazab baiThe-biThae tujh pe kya nazil hua

    uTh chala duniya se kyun tu tujh ko ai dil kya hua

    shakl hi aisi banai hai teri allah ne

    mat KHafa ho gar hua main tujh pe mail kya hua

    in dinon haalat teri pata hun main apni si yar

    KHub-ru tujh sa koi tere muqabil kya hua

    ai but-e-KHun-KHwar ek zaKHmi tere kuche mein tha

    so kai din se KHuda jaane wo ghayal kya hua

    zang ho kar qais ka dil karwan-dar-karwan

    nit ye kahta hai ki wo laila ka mahmil kya hua

    fikr-e-marham mat karo yaro ye batlao mujhe

    jis ke hathon main hua zaKHmi wo qatil kya hua

    tha jigar to TukDe TukDe bar mein kyun taDpe hai tu

    kyun dila tegh-e-jafa se tu bhi bismil kya hua

    ranjishen aisi hazar aapas mein hoti hain dila

    wo agar tujh se KHafa hai tu hi ja mil kya hua

    apne begane sabhi hain mat uTha mahfil se yar

    gar kisi Dhab se hua yan main bhi daKHil kya hua

    dekhte hi teri surat mujh ko ai aaina-ru

    saKHt hairat hai ki pahlu mein nahin dil kya hua

    soch rah rah kar yahi aata hai ai 'jurat' mujhe

    KHalq karne se mere KHaliq ko hasil kya hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY