ye hijr ki shiddat mujhe taDpati hai jaanan

ye hijr kī shiddat mujhe taḌpātī hai jānāñ

mushkil ye hayāt aur huī jaatī hai jānāñ

afsāna nahīñ sach hai ki ye shā'irī merī

tum jaise parī-ruḳh se jilā paatī hai jānāñ

ab kaise kahūñ tum se maiñ is ġham kā fasāna

ye duurī tumhārī to jigar khātī hai jānāñ

maiñ chain se kaise rahūñ ab tum hī batāo

har vaqt mujhe yaad tirī aatī hai jānāñ

ye yaad 'ajab shai hai mujhe ḳhuun ke aañsū

har lamha tasalsul se ye rulvātī hai jānāñ

sochā thā kabhī bhuul maiñ jā.ūñ tumheñ lekin

ye baat ḳhayāloñ se kahāñ jaatī hai jānāñ

ab tum hī batāo maiñ jiyūñ kis ke sahāre

ye zindagī dushvār nazar aatī hai jānāñ

ab lauT ke aa jaao judā.ī na sahī jaa.e

TuuTe hue dil se ye sadā aatī hai jānāñ

ye ḳhuub tamāshā hai ki 'fāḳhir' kī har ik aah

ab 'arsh se Takrā ke ye lauT aatī hai jānāñ

ye hijr ki shiddat mujhe taDpati hai jaanan

mushkil ye hayat aur hui jati hai jaanan

afsana nahin sach hai ki ye sha'iri meri

tum jaise pari-ruKH se jila pati hai jaanan

ab kaise kahun tum se main is gham ka fasana

ye duri tumhaari to jigar khati hai jaanan

main chain se kaise rahun ab tum hi batao

har waqt mujhe yaad teri aati hai jaanan

ye yaad 'ajab shai hai mujhe KHun ke aansu

har lamha tasalsul se ye rulwati hai jaanan

socha tha kabhi bhul main jaun tumhein lekin

ye baat KHayalon se kahan jati hai jaanan

ab tum hi batao main jiyun kis ke sahaare

ye zindagi dushwar nazar aati hai jaanan

ab lauT ke aa jao judai na sahi jae

TuTe hue dil se ye sada aati hai jaanan

ye KHub tamasha hai ki 'faKHir' ki har ek aah

ab 'arsh se Takra ke ye lauT aati hai jaanan