ye jo apni zat ka aazar hai
ye jo apnī zaat kā āzār hai
dasht meñ tanhā khaḌī dīvār hai
aisā lagtā hai ki haft-iqlīm meñ
maiñ hī maiñ huuñ aur kū-e-yār hai
garche kuchh mushkil nahīñ hai ḳhud-kushī
zindagī bhī kab hameñ dushvār hai
do laboñ par ḳhatm hai saarā gudāz
do laboñ ke darmiyāñ talvār hai
varna jannat bhī kise manzūr thī
aap haiñ to zindagī gulzār hai
pattharoñ ke haath haiñ patthar se lais
aa.ina bhī ā.ina-bardār hai
ye jo apni zat ka aazar hai
dasht mein tanha khaDi diwar hai
aisa lagta hai ki haft-iqlim mein
main hi main hun aur ku-e-yar hai
garche kuchh mushkil nahin hai KHud-kushi
zindagi bhi kab hamein dushwar hai
do labon par KHatm hai sara gudaz
do labon ke darmiyan talwar hai
warna jannat bhi kise manzur thi
aap hain to zindagi gulzar hai
pattharon ke hath hain patthar se lais
aaina bhi aaina-bardar hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
