ye jo Thahra hua manzar hai badalta hi nahin

ye jo Thahrā huā manzar hai badaltā hī nahīñ

vāqi'a parda-e-sā.at se nikaltā hī nahīñ

aag se tez koī chiiz kahāñ se lā.ūñ

mom se narm hai vo aur pighaltā hī nahīñ

ye mirī ḳhams-havāsī kī tamāshā-gāheñ

tang haiñ un meñ mirā shauq bahaltā hī nahīñ

paikar-e-ḳhāk haiñ aur ḳhaak meñ hai saql bahut

jism kā vazn talab ham se sañbhaltā hī nahīñ

ġhāliban vaqt mujhe chhoḌ gayā hai pīchhe

ye jo sikka hai mirī jeb meñ chaltā hī nahīñ

ham pe ġhazleñ bhī namāzoñ kī tarah farz huiiñ

qarz nā-ḳhvāsta aisā hai ki Taltā hī nahīñ

ye jo Thahra hua manzar hai badalta hi nahin

waqi'a parda-e-saat se nikalta hi nahin

aag se tez koi chiz kahan se laun

mom se narm hai wo aur pighalta hi nahin

ye meri KHams-hawasi ki tamasha-gahen

tang hain un mein mera shauq bahalta hi nahin

paikar-e-KHak hain aur KHak mein hai saql bahut

jism ka wazn talab hum se sanbhalta hi nahin

ghaaliban waqt mujhe chhoD gaya hai pichhe

ye jo sikka hai meri jeb mein chalta hi nahin

hum pe ghazlen bhi namazon ki tarah farz huin

qarz na-KHwasta aisa hai ki Talta hi nahin