ye kahan se mauj-e-tarab uThi ki malal dil se nikal gae

Fareed Javed

ye kahan se mauj-e-tarab uThi ki malal dil se nikal gae

Fareed Javed

MORE BYFareed Javed

    ye kahāñ se mauj-e-tarab uThī ki malāl dil se nikal ga.e

    vahī sub.h-o-shām jo the garāñ nafas-e-bahār meñ Dhal ga.e

    ye dayār-e-shauq hai ham-nashīñ yahāñ laġhzishoñ meñ bhī husn hai

    jo miTe vo aur ubhar ga.e jo gire vo aur sambhal ga.e

    hasīñ zindagī talāsh thī hameñ sarḳhushī talāsh thī

    hue zindagī se jo āshnā to jarāhatoñ se bahal ga.e

    tire sogvāroñ zindagī kabhī mutma.in na guzar sakī

    jo bujhī kabhī koī tishnagī ka.ī aur dard machal ga.e

    mirī ārzūoñ ke ḳhvāb the ki fazā-e-husn-o-shabāb the

    kahīñ nik.hatoñ meñ bikhar ga.e kahīñ rañg-o-nūr meñ Dhal ga.e

    unheñ rāhatoñ ḳhayāl hai na sa.ūbatoñ malāl hai

    jo tirī talāsh meñ chal paḌe jo tirī talab meñ nikal ga.e

    hai bharī bahār to kyā karūñ na mile qarār to kyā karūñ

    mire sāmne haiñ vo āshiyāñ jo bharī bahār meñ jal ga.e

    ye kahan se mauj-e-tarab uThi ki malal dil se nikal gae

    wahi subh-o-sham jo the garan nafas-e-bahaar mein Dhal gae

    ye dayar-e-shauq hai ham-nashin yahan laghzishon mein bhi husn hai

    jo miTe wo aur ubhar gae jo gire wo aur sambhal gae

    hasin zindagi ki talash thi hamein sarKHushi ki talash thi

    hue zindagi se jo aashna to jarahaton se bahal gae

    tere sogwaron ki zindagi kabhi mutmain na guzar saki

    jo bujhi kabhi koi tishnagi kai aur dard machal gae

    meri aarzuon ke KHwab the ki faza-e-husn-o-shabab the

    kahin nikhaton mein bikhar gae kahin rang-o-nur mein Dhal gae

    unhen rahaton ka KHayal hai na saubaton ka malal hai

    jo teri talash mein chal paDe jo teri talab mein nikal gae

    hai bhari bahaar to kya karun na mile qarar to kya karun

    mere samne hain wo aashiyan jo bhari bahaar mein jal gae

    Source :
    • Book : Naya Daur, Karachi(Shumara Number-047,048) (Pg. 417)
    • Author : Qamar Sultana
    • Publication : Pakistan Culture Society Karachi

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY