ye kaise sanahe ab pesh aane lag gae hain

ye kaise sānahe ab pesh aane lag ga.e haiñ

tere āġhosh meñ ham chhaT-paTāne lag ga.e haiñ

bahut mumkin hai koī tiir ham ko aa lagegā

ham aise log jo panchhī uḌāne lag ga.e haiñ

hamāre bin bhalā tanhā.ī ghar meñ kyā hī kartī

use bhī saath hī office meñ laane lag ga.e haiñ

badan par shab kī bārish ke chhīñTe paḌ ga.e the

parā.ī dhuup meñ un ko sukhāne lag ga.e haiñ

havā ke ek hī jhoñke meñ ye phal gir paḌeñge

ye būḌhe peḌ ke kañdhe jhukāne lag ga.e haiñ

nazar ke chauk pe bārish jhamā-jham gir rahī hai

to dil ke room meñ gaane purāne lag ga.e haiñ

ye kaise sanahe ab pesh aane lag gae hain

tere aaghosh mein hum chhaT-paTane lag gae hain

bahut mumkin hai koi tir hum ko aa lagega

hum aise log jo panchhi uDane lag gae hain

hamare bin bhala tanhai ghar mein kya hi karti

use bhi sath hi office mein lane lag gae hain

badan par shab ki barish ke chhinTe paD gae the

parai dhup mein un ko sukhane lag gae hain

hawa ke ek hi jhonke mein ye phal gir paDenge

ye buDhe peD ke kandhe jhukane lag gae hain

nazar ke chauk pe barish jhama-jham gir rahi hai

to dil ke room mein gane purane lag gae hain