ye KHub-ru na chhuri ne kaTar rakhte hain

Bayan Ahsanullah Khan

ye KHub-ru na chhuri ne kaTar rakhte hain

Bayan Ahsanullah Khan

MORE BYBayan Ahsanullah Khan

    ye ḳhūb-rū na chhurī ne kaTār rakhte haiñ

    nigāh-e-lutf se aalam ko maar rakhte haiñ

    charāġh-e-gor na sham-e-mazār rakhte haiñ

    bas ek ham ye dil dāġhdār rakhte haiñ

    sharāb-e-ishq na ai dost pījiyo hargiz

    isī nashe ham ab tak ḳhumār rakhte haiñ

    mirī zabānī koī us se is qadar pūchhe

    kahīñ ye jhūTe bhī vaade shumār rakhte haiñ

    qayāmat aa chukī dīdār-e-haq huā sab ko

    ham ab talak bhī tirā intizār rakhte haiñ

    agarche ḳhaak barābar kiyā falak ne 'bayāñ'

    dimāġh par vahī ham ḳhāksār rakhte haiñ

    ye KHub-ru na chhuri ne kaTar rakhte hain

    nigah-e-lutf se aalam ko mar rakhte hain

    charagh-e-gor na sham-e-mazar rakhte hain

    bas ek hum ye dil daghdar rakhte hain

    sharab-e-ishq na ai dost pijiyo hargiz

    isi nashe ka hum ab tak KHumar rakhte hain

    meri zabani koi us se is qadar puchhe

    kahin ye jhuTe bhi wade shumar rakhte hain

    qayamat aa chuki didar-e-haq hua sab ko

    hum ab talak bhi tera intizar rakhte hain

    agarche KHak barabar kiya falak ne 'bayan'

    dimagh par wahi hum KHaksar rakhte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY