ye kis charagh ki kirnen nai jabin par hain

ye kis charāġh kī kirneñ na.ī jabīñ par haiñ

hamāre paañv to bujhtī huī zamīñ par haiñ

tumhārī yādeñ hameñ chhoḌ kar nahīñ jātīñ

bikhar rahī haiñ magar rāt-din yahīñ par haiñ

abhī talak mirā siina harārtoñ meñ hai

mahakte hoñT abhī tak mirī jabīñ par haiñ

parā.ī dhuup se apnā bhalā nahīñ hogā

hamāre naam kī sub.heñ usī zamīñ par haiñ

mahak rahī hai ġhazal ajnabī fazāoñ meñ

mire qabīle ke kuchh log har zamīñ par haiñ

ye kis charagh ki kirnen nai jabin par hain

hamare panw to bujhti hui zamin par hain

tumhaari yaaden hamein chhoD kar nahin jatin

bikhar rahi hain magar raat-din yahin par hain

abhi talak mera sina hararton mein hai

mahakte honT abhi tak meri jabin par hain

parai dhup se apna bhala nahin hoga

hamare nam ki subhen usi zamin par hain

mahak rahi hai ghazal ajnabi fazaon mein

mere qabile ke kuchh log har zamin par hain