ye kis dayar ke hain kis ke KHandan se hain

Raza Mauranvi

ye kis dayar ke hain kis ke KHandan se hain

Raza Mauranvi

MORE BYRaza Mauranvi

    ye kis dayār ke haiñ kis ke ḳhāndān se haiñ

    asiir ho ke bhī jo log itnī shaan se haiñ

    mile uruuj to maġhrūr mat kabhī honā

    bulandiyoñ ke sabhī rāste Dhalān se haiñ

    tum apne ūñche mahal meñ raho magar socho

    tumhāre saa.e meñ kuchh log be-nishān se haiñ

    zamīn-e-karb har fasl jo mālik hai

    hamāre dard ke rishte isī kisān se haiñ

    mahak rahe haiñ gul-e-zaḳhm-e-ārzū har pal

    mirī hayāt ke sab rañg zāfrān se haiñ

    sunā rahe haiñ vahī dāstān-e-zulm-o-sitam

    hamārī aañkh meñ aañsū jo be-zabān se haiñ

    kahāñ tak aap chhupā.eñge dāstān-e-sitam

    kitāb-e-jism pe ab bhī ka.ī nishān se haiñ

    ye kaun tujh ko bachā.e hai har balā se 'razā'

    ye kis ke haath tire sar pe āsmān se haiñ

    ye kis dayar ke hain kis ke KHandan se hain

    asir ho ke bhi jo log itni shan se hain

    mile uruj to maghrur mat kabhi hona

    bulandiyon ke sabhi raste Dhalan se hain

    tum apne unche mahal mein raho magar socho

    tumhaare sae mein kuchh log be-nishan se hain

    zamin-e-karb ki har fasl ka jo malik hai

    hamare dard ke rishte isi kisan se hain

    mahak rahe hain gul-e-zaKHm-e-arzu har pal

    meri hayat ke sab rang zafran se hain

    suna rahe hain wahi dastan-e-zulm-o-sitam

    hamari aankh mein aansu jo be-zaban se hain

    kahan tak aap chhupaenge dastan-e-sitam

    kitab-e-jism pe ab bhi kai nishan se hain

    ye kaun tujh ko bachae hai har bala se 'raza'

    ye kis ke hath tere sar pe aasman se hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY