ye kis KHamir mein mudgham kiya gaya hai mujhe
ye kis ḳhamīr meñ mudġham kiyā gayā hai mujhe
baḌe kamāl se mub.ham kiyā gayā hai mujhe
charāġh-e-zāt kī lau ko baḌhā diyā pahle
phir us ke baa'd hī maddham kiyā gayā hai mujhe
ḳhushī kā din bhī to amvāt kī munādī hai
baḌe sukūn se barham kiyā gayā hai mujhe
kabhī kabhī to mujhe hosh tak nahīñ rahtā
tire vujūd meñ yuuñ zam kiyā gayā hai mujhe
ġhazal ke shahr meñ merā koī shumār nahīñ
baḌhā baḌhā ke bahut kam kiyā gayā hai mujhe
ye kis KHamir mein mudgham kiya gaya hai mujhe
baDe kamal se mubham kiya gaya hai mujhe
charagh-e-zat ki lau ko baDha diya pahle
phir us ke ba'd hi maddham kiya gaya hai mujhe
KHushi ka din bhi to amwat ki munadi hai
baDe sukun se barham kiya gaya hai mujhe
kabhi kabhi to mujhe hosh tak nahin rahta
tere wujud mein yun zam kiya gaya hai mujhe
ghazal ke shahr mein mera koi shumar nahin
baDha baDha ke bahut kam kiya gaya hai mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
