ye kis ko jag jag ke taron ki chhanw mein

ye kis ko jaag jaag ke tāroñ kī chhāñv meñ

ham māñgte haiñ pichhle pahar kī duāoñ meñ

kirneñ abhī to gum haiñ ghanerī ghaTāoñ meñ

bah jā.eñgī ghaTā.eñ ki kirneñ havāoñ meñ

jannat ko duur duur to DhūñDā gayā magar

qadmoñ tale na maañ ke na teġhoñ kī chhāñv meñ

ḳhushkī ke rahbaroñ se to ye bhī na ho sakā

kuchh to ḳhudā kā naam chalā nā-ḳhudāoñ meñ

yā-rab qafas hai yā ki chaman kyā hai ye jahāñ

uljhe paḌe haiñ phuul kaTīlī laTāoñ meñ

dīvāna mast-hāl hai us ko ḳhabar kahāñ

jhāñjhan paḌī huī hai ki zanjīr paañv meñ

donoñ ko apne des kī miTTī pe naaz hai

sāñpoñ kī bāñbiyāñ bhī haiñ phūloñ ke gaañv meñ

sab chal paḌeñ jo ḳhuld ko jaatī ho koī raah

gul-mohr kī do-rūya qatāroñ kī chhāñv meñ

ham shaiḳh se ye kah ke sū-e-dair chal diye

rakhiyegā yaad ham ko bhī apnī duāoñ meñ

ye kis ko jag jag ke taron ki chhanw mein

hum mangte hain pichhle pahar ki duaon mein

kirnen abhi to gum hain ghaneri ghaTaon mein

bah jaengi ghaTaen ki kirnen hawaon mein

jannat ko dur dur to DhunDa gaya magar

qadmon tale na man ke na teghon ki chhanw mein

KHushki ke rahbaron se to ye bhi na ho saka

kuchh to KHuda ka nam chala na-KHudaon mein

ya-rab qafas hai ya ki chaman kya hai ye jahan

uljhe paDe hain phul kaTili laTaon mein

diwana mast-haal hai us ko KHabar kahan

jhanjhan paDi hui hai ki zanjir panw mein

donon ko apne des ki miTTi pe naz hai

sanpon ki banbiyan bhi hain phulon ke ganw mein

sab chal paDen jo KHuld ko jati ho koi rah

gul-mohr ki do-ruya qataron ki chhanw mein

hum shaiKH se ye kah ke su-e-dair chal diye

rakhiyega yaad hum ko bhi apni duaon mein